Солтүстікқазақстандық балуан Ислам Евлоев Ислам ынтымақтастығы ойындарында күміс медаль жеңіп алды
November 18, 2025 22:44
Солтүстік Қазақстандық грек-рим күресінің балуаны Ислам Евлоев Эр-Риядта өтіп жатқан Ислам ынтымақтастығы ойындарында 87 кг салмақ дәрежесінде күміс медальға ие болды, деп хабарлайды QZ NEWS.
Ислам 87 кг салмақта финалға дейін жетті. Шешуші белдесуде оған Ираннан келген Голамреза Фарохи қарсы тұрды. Тартысты өткен белдесуде ирандық спортшы 6:0 есебімен жеңіске жетті.
Осылайша, Ислам Евлоев Қазақстан қоржынына күміс медаль салды. 2024 жылы Ислам U20 әлем чемпионатында жеңімпаз болған. Ислам ынтымақтастығы ойындарына ол алғаш рет қатысып отыр.