СҚО әкімі Анна Стратанды әлем чемпионатындағы қола жүлдесімен құттықтады
August 21, 2025 18:19
Солтүстікқазақстандық спортшы Анна Стратан Болгарияда өткен 20 жасқа дейінгі қыздар арасындағы еркін күрестен жастар әлем чемпионатында қола медаль иеленді, деп хабарлайды QZ NEWS.
Жүлделі үшінші орынға таласқан шешуші белдесуде Анна жоғары деңгейдегі шеберлігін көрсетіп, мықты қарсыласын жеңді.
Солтүстік Қазақстан облысының әкімі Ғауез Нұрмұхамбетов спортшыны және оның бапкерін зор жетістігімен құттықтап, бұл жеңістің өңір мен ел үшін маңызды оқиға екенін атап өтті.
«Анна мен оның бапкері Руслан Дәулетовке жаңа биіктер мен жарқын жеңістер тілеймін! Құрметті марапаттарыңызбен шын жүректен құттықтаймын! Бұл тек жеке жетістік емес — бүкіл өңіріміз бен еліміз үшін үлкен жеңіс!» — деп жазды өңір басшысы әлеуметтік желіде.