Алға қадам: Петропавлда «Progress 2.0» би батлы өтті

Қалалық Креативтік орталық «Станцыя» студиясының ұйымдастыруымен өткен жарқын би іс- шарасы — «Progress 2.0» батлының эпицентріне айналды. Көрермендерді тамсандырған бұл оқиғаға би студиясының әртүрлі деңгейдегі қатысушылары — жаңа бастағандардан бастап тәжірибелі орындаушыларға дейін — қатысты, деп хабарлайды QZ News.

Ұйымдастырушылардың айтуынша, батлдың басты мақсаты — үздіктерді анықтау ғана емес, сонымен қатар әр қатысушы үшін жеке даму мен өсу алаңын құру болды. «Progress 2.0» бишілерге өз жетістіктерін бағалауға, көпшілік алдында өнер көрсету тәжірибесін жинауға және алда келе жатқан ірі чемпионаттарға мотивация алуға мүмкіндік берді.

Іс-шара барысында қолдау мен достық бәсекелестік рухы сезіліп тұрды. Әр қатысушының сахнаға шығуы — өз шеберлігін көрсетуге, импровизация жасауға және көрерменнің қуатын сезінуге таптырмас сәтке айналды.