Алты тұлға СҚО-ның және Петропавл қаласының Құрметті азаматы атанды

Қала күніне орай Петропавлдың орталық алаңында Құрметті азамат атағын табыстау рәсімі өтті. Бұл айтулы күн Солтүстік Қазақстан облысы мен оның орталығы – Петропавл қаласының дамуына сүбелі үлес қосқан азаматтарды марапаттауға себеп болды, деп хабарлайды QZ News.

«Солтүстік Қазақстан облысының Құрметті азаматы» атағы келесі үш тұлғаға берілді:

• Геннадий Зенченко – ауыл шаруашылығы саласындағы еңбегімен танылған «Зенченко и К» КТ-нің бас директоры;
• Зарқын Тайшыбай – білім мен ғылым саласындағы еңбегі елге белгілі профессор;
• Виктор Ли – аймақтың өркендеуіне зор үлес қосқан еңбек ардагері.

«Петропавл қаласының Құрметті азаматы» атағы иегерлері:

• Андрей Солодовник – қаладағы ғылым мен білім саласына зор үлес қосқан профессор;
• Амангелді Кенжеғұзинов – еңбек ардагері;
• Сара Тасеменова – еңбек ардагері.

Олардың еңбегі, білімі мен туған жерге деген адалдығы Петропавл мен бүкіл өңірдің тарихында маңызды орын алады.

Солтүстік Қазақстан облысының әкімі марапаттау рәсімінде қала тұрғындарына алғыс білдіріп, құрылысшыларға, ұстаздарға, дәрігерлерге, кәсіпкерлерге, қоғам белсенділеріне, волонтерлер мен жастарға жылы лебізін жеткізді.

«Сіздердің еңбектеріңіздің арқасында Петропавл өмір сүруде, дамуда және алға басуда. Баршаңызға зор денсаулық, амандық, отбасы берекесі мен туған қаламыздың игілігі үшін жаңа жетістіктер тілеймін. Қала күні құтты болсын, құрметті петропавлдықтар!» – деді СҚО әкімі.