Петропавл ботаникалық бағында панкрациум мен спатифиллум өсімдіктері гүлдеді
Петропавл ботаникалық бағында нағыз тропикалық маусым басталды. Мұнда қазір сирек өсімдіктер гүлдеп, экзотикалық жемістер пісіп жатыр, деп хабарлайды QZ NEWS.
Гүлдеген өсімдіктердің қатарында – панкрациум мен спатифиллум бар. Бақ қызметкерлерінің айтуынша, әр өсімдікке байланысты әдемі аңыздар мен ырымдар сақталған.
«Әйел бақыты» және оның сырлары
Коллекциядағы ең танымал гүлдердің бірі – спатифиллум, халық арасында «Әйел бақыты» деп аталады. Аңыз бойынша, махаббат құдайы Астарта бұл гүлді Жердегі әйелдерге сыйға тартқан. Ырым бойынша, егер бойжеткен гүлге жақсы қараса, ол оған сүйіктісін табуға және жалғыздықтан қорғануға көмектеседі.
Басқа да сенімдер бар:
- егер спатифиллум гүлдесе – отбасында қуанышты оқиға болады;
- егер оны бойжеткенге сыйласа – ол жақында өз махаббатын кездестіреді;
- егер гүлдемесе – үйде үйлесімнің жоқтығын білдіруі мүмкін.
Панкрациум – адалдық пен үміт гүлі
Бақтың тағы бір әсем тұрғыны – хош иісті панкрациум. Аңызда ол сүйіктісін күткен қыздың көз жасынан өскен делінеді. Гүл құдайы оған рақмет ретінде осы гүлді сыйлаған, содан бері ол адалдық пен үміттің нышаны саналады.
Экзотикалық жемістер әлемі
Ботаникалық бақта банан шөбі мен монстера жеміс берді. Ал папайя әрі гүлдеп, әрі жеміс салып қуантты. Ежелгі майя халқы папайяны қасиетті «өмір ағашы», ал деп атаған. Олар папайя шырыны ауру мен жаман рухтардан қорғайды деп сенген.
Оған қатысты ырымдар:
- егер папайя үйде өссе – отбасыға денсаулық пен молшылық әкеледі;
- ағаштан құлаған жеміс – күтпеген сыйдың белгісі.
Бақ қызметкерлері барлық қала тұрғындарын осы ерекше өсімдіктермен танысуға, олардың тарихы мен символикасы жайлы көбірек білуге шақырады.