Петропавлда 86 жастағы тұрғынды ТЖД қызметкерлері құтқарып қалды
May 31, 2025 12:50
Петропавл қаласында Солтүстік Қазақстан облысы ТЖД құтқарушылары ұзақ уақыт бойы туыстарымен байланысқа шықпаған 86 жастағы қала тұрғынына жедел көмек көрсетті, деп хабарлайды QZ News.
Оқиға Назарбаев көшесінде болған. Қарияның ұзақ уақыт бойы хабарсыз кеткеніне алаңдаған туыстары құзырлы органдардан көмек сұраған. Оқиға орнына жеткен құтқарушылар арнайы құралдың көмегімен пәтердің кіреберіс есігін ашты.
Үйге кірген ТЖД қызметкерлері медициналық көмекке мұқтаж әжейді тауып, дереу жедел жәрдем бригадасына тапсырды.