Петропавлда мамандар жастарға ашық аспан астында кеңес өткізді

Петропавлдағы Достық үйінің алдында мамандар жастарға арналған кеңестер өткізді. Өңірде сұранысқа ие бос жұмыс орындарынан бастап, бастамаларды қолдау бағдарламаларына дейін – қатысушылар өздерін қызықтырған барлық сұрақтарына жауап алды. Іс-шараны жастар ресурстық орталығы мен жастар бастамалары бөлімі ұйымдастырып, ашық аспан астында өткізді, деп хабарлайды QZ NEWS.

Кеше ғана сабақта жүрген жастар бүгінде ересек өмірге қадам басуға ниетті. Портфолиосын дайындап келген еңбекқор жастарды әлеуетті жұмыс берушілер күтіп тұрды. Олар жас буынға еңбек нарығындағы сұраныс, тұрғын үй бағдарламалары, кәсіпкерлік, заңгерлік және психологиялық көмек туралы ақпарат берді.

«Кеңес берудің негізгі мақсаты – жастарды қолдауға бағытталған мемлекеттік бағдарламалар туралы халықты ақпараттандыру, ақпараттық парақшалар тарату, сондай-ақ құзыретті ұйымдар мамандарынан кеңес беру», – деп атап өтті Қоғамдық даму және ақпарат орталығының бөлімінде.

Бейресми жағдайда және жайлы атмосферада жастар өздерін қызықтырған сұрақтарына тегін әрі толық жауап алды. Ашық диалог барысында мамандар болашақ мамандармен тәжірибелерімен бөлісті. Ашық аспан астындағы бос орындар жәрмеңкесінің жалғасы ретінде «Дөңгелекті бос орындар жәрмеңкесі» өтті, онда қала тұрғындарына қоғамдық көлікте мемлекеттік бағдарламалар туралы түсіндірілді. Ал жаяу жүргіншілерге мамандар тақырыптық парақшалар таратты.