Ресейде іздеуде жүрген 25 қылмыскер СҚО-да ұсталды

Жыл басынан бері Солтүстік Қазақстан облысының криминалдық полиция қызметкерлері Ресей Федерациясының аумағында іздеуде жүрген 25 адамды ұстады. Бұл – Қазақстан мен Ресейдің құқық қорғау органдары арасындағы тиімді шекара маңы ынтымақтастығының нәтижесі, деп хабарлайды QZ NEWS.

СҚО Ресейдің Қорған, Түмен және Омбы облыстарымен шектесетіндіктен, мұндай өзара іс-қимыл ерекше маңызға ие. Жұмыс 2023–2025 жылдарға арналған СҚО полиция департаменті мен Ресей ІІМ-нің өңірлік басқармалары арасындағы ынтымақтастық жоспары аясында жүргізілуде.

Ұсталған 25 адамның арасында:

• 8 адам Омбы облысы бойынша іздеуде болған;
• 6 адам – Қорған облысы бойынша;
• 1 адам – Түмен облысы бойынша.

Іздеуге негіз болған қылмыстар қатарында – мемлекеттік шекараны заңсыз кесіп өту, есірткіге байланысты қылмыстарға қатысу және ауыр салдарлармен аяқталған жол-көлік оқиғалары бар.

Шекара маңы ынтымақтастығы қылмыскерлерді табуда ғана емес, жаңа құқықбұзушылықтардың алдын алуда да тиімділігін көрсетіп отыр. Екі елдің полицейлері жедел ақпараттармен тұрақты түрде алмасып, шекаралық аймақтардағы қауіпсіздікті нығайту үшін іс-қимылдарын үйлестіріп келеді.