Заречный ықшам ауданында 500-ге жуық үй салынады

Биыл Қазақстан халқының бірлігі күнін мерекелеу “Біз біргеміз” акциясы аясында өтіп жатыр, сонымен қатар бүкіл ел бойынша “Таза Қазақстан” республикалық шарасы өтуде. Мұндай шаралар су тасқынының салдарын жедел жою үшін қажет. Ойқала ауданы тасқынның астында қалды. Қазір аумақ ретке келтіріліп жатыр. 1 мамырда бұл жұмысқа Қазақстан халқы Ассамблеясының мүшелері, сондай-ақ облыс әкімі қосылды, деп хабарлайды QZ Мedia тілшісі.

“Біздің барлық этномәдени бірлестіктер бастама танытты, адамдармен бірге болды. Шынында да, су тасқыны біздің адамдарды, еріктілерді, әскери қызметшілерді, қарапайым тұрғындарды, ТЖД-ны үлкен апатқа байланысты біріктірді. Достық үйінің базасында штаб ұйымдастырылды, гумкөмекті қабылдау орталығы ашылды, еріктілер штабы құрылды. Сіздерге көп рахмет, сәттілік пен амандық тілегім келеді. Біз бұл жұмысты ұйымдастырмасақ, кім ұйымдастырады?”,- деді Солтүстік Қазақстан облысының әкімі Ғауез Нұрмұхамбетов.

Өңір басшысы 10 мердігер ұйым Солнечный-2 шағын ауданында жаңа үйлер салуға кіріскенін де айтты.

“Біз зардап шеккендерге 100 үй салуды бастадық. Сонымен қатар, инвесторларымыздың есебінен Заречный шағын ауданында 80 шаршы метрлік типтік жобадағы 400-500 үй саламыз. Бастапқы және қайталама тұрғын үй қоры құрылды. Біз адамдарға таңдау үшін пәтерлер де ұсынамыз. Мехбригадалар құрылды. Бүгінде 800-ден астам адамды қамтыды”, – деді Ғауез Нұрмұхамбетов.

Мехбригадалардың құрамына бүкіл облыстың мамандары кірді. Олар су тасқынынан зардап шеккен облыс орталығының аудандарын қалпына келтіруге көмектесетін болады.