Мамлют ауданындағы ауылдардың бірінде оң өзгеріс жалғасын тапты

Әр шаруа бақылауда! Мамлют ауданының әкімі Елена Степаненко Дубровное ауылындағы фельдшерлік-акушерлік пункт пен мәдени-демалыс орталығындағы жөндеу жұмыстарын тексерді, деп хабарлайды QZ News тілшісі.

Демалыс орталығын жөндеу жұмысы осы жазда басталды. Жоба екі жылдық саналады және барлық жұмыстар 2025 жылы аяқталады.

“Шатыр толығымен жабылды, терезелер 100% ауыстырылды, екінші қабатта сымдар жаңаланды, жаңа еден төселді. Екі қабатта да алғашқы әрлеу жұмысы аяқталды, бірінші қабатта плиткаларды төсеу үшін еден құйылды. Кіру аумағын ішінара жаңартты. Жұмыс маусым айында басталды”, – деді Дубровин ауылдық округінің әкімі Павел Титов.

Ал Дубровное ауылындағы фельдшерлік-акушерлік пункт 10 қазанда есігін айқара ашады. 70-ші жылдары салынған ғимарат шамамен 15 жыл бойы күрделі жөндеуден өткен жоқ.

“Жаңа шатыр орнатылды, жылыту жүйесі ауыстырылды, еден жаңаланды, қабырғалардың ішкі безендірілуі жаңартылды, 4 кабинетте 60% плитка төселді. ФАП Дубровное ауылының тұрғындарына қызмет көрсетеді. Елді мекенде 800 адам тұрады”, – деді Мамлют аудандық ауруханасы директорының м.а. Марина Коробкова.