СҚО-да 2024 жылдағы алғашқы үшем дүниеге келді

Петропавлда ағымдағы жылдың алғашқы үшемі дүниеге келді. Қала тұрғыны Юлия Ильяшенко үш қыздың анасы атанды, деп хабарлайды QZ News тілшісі.

Қыздар ЭКҰ көмегімен пайда болды. Юлия Ильяшенконың ұлы бар, ол 7 жаста. Бақытты ана атап өткендей, жолдасы екеуі екі егіз қыз қалаған, бір күні дәрігерлер үшемнің болатынын айтқанда, олар жақсы жаңалыққа сенер-сенбестерін білмепті.

“Біріншісін Елизавета, екіншісін Ангелина, ал үшіншісін Маргарита деп атадық. Өзімізді жақсы сезінеміз”, – деп бөлісті Юлия.

Көпбейінді облыстық аурухананың босанғаннан кейінгі бөлімше меңгерушісі Сәуле Мұстафинаның айтуынша, отбасы қыздарды жеті жыл күткен. Босану штаттық режимде өтті. Жоспарлы операция – кесір тілігі жасалған. Бәрі қиындықсыз аяқталған екен.

“Көптен күткен үш сүйкімді қыз дүниеге келді. Тұтастай алғанда, қыздар сап-сау, тек салмақтары аз, үшем болғасын бұл жайтты дұрыс қабылдаймыз. Яғни салмақтары 2 кг-дан сәл артық болады. Қазір олар салмақ жинауда. Қоректену кеуде арқылы жүріп жатыр. Отбасы ақырындап үйге шығуға дайындалуда”,- деді Көпбейінді облыстық аурухананың босанғаннан кейінгі бөлімше меңгерушісі Сәуле Мұстафина.

Аталып өткендей, 2024 жылдың 8 айында облыста 2523 бала дүниеге келді. Оның ішінде 32 егіз және бір үшем бар. Сондай-ақ, салмағы 4 келіден асатын нәрестелер де тіркелді. Биыл олардың саны – 457.