СҚО аудандарында Ұстаздар күніне орай салтанатты жиындар өтуде

Мамлютка қаласындағы мәдени орталықта Ұстаздар күніне арналған салтанатты іс-шара өтті. Аудан әкімі Елена Степаненко ұстаздарды кәсіби мерекелерімен құттықтады. Сонымен қатар, олардың қажырлы еңбектері, шыдамдылықтары және өскелең ұрпақтың дамуына қосқан елеулі үлестері үшін алғысын білдірді, деп хабарлайды QZ News тілшісі.

Бұл күні М.Жұмабаев ауданының мәдениет үйінде де мұғалімдер күніне арналған салтанатты кездесу өтті. Аудан әкімі Рахат Смағұлов пен білім саласындағы сапаны қамтамасыз ету департаментінің басшысы Гүлнәр Темірболатқызы педагогтарды шын жүректен құттықтады.

Үздік педагогтар дипломдармен, құрмет грамоталарымен және алғыс хаттармен марапатталды. Шара Ақан Сері атындағы Солтүстік Қазақстан облыстық филармониясының эстрада және джаз музыкасы оркестрінің концертімен аяқталды.