СҚО-да жаңа жұмыс аптасының басында ауа райы жақсы болады

Облыс орталығында алдағы үш күнде бұлт көшеді, жауын-шашын болмайды. Петропавлда 7 қазанда күн +5+11 градусқа дейін жылынады, деп хабарлайды QZ News тілшісі «Қазгидромет» РМК СҚО бойынша филиалына сілтеме жасай отырып.

8 қазанда облыс орталығында сынап бағанасы +18+20 градусқа, ал 9 қазанда +16+18 градусқа дейін көтеріледі.

Облыс аумағында жұмыс аптасының бірінші күні жауын-шашын болмайды. 7 қазан күні күндіз ауа температурасы +10+15 градусты құрайды. Сейсенбі күні облыстың батысында, солтүстігінде, шығысында жаңбыр жауады. Бұл күні сынап бағанасы +15+20 градус болады. 9 қазанда өңірдің батысында, солтүстігінде, шығысында жаңбыр жауады, ауа температурасы +13+18 градус болады.