Өрт сөндірушілер тұрмысы төмен азаматтардың үйлеріне арнайы датчиктер орнатуды жалғастыруда
15 тамыздан бастап СҚО аумағында өрт қауіпсіздігі айлығының бірінші кезеңі өтіп жатыр. Бейінді департамент халықтың әлеуметтік осал топтары тұратын 4483 тұрғын үйді есепке алды, онда 11392 адам, оның ішінде 4411 бала тұрады, деп хабарлайды QZ News тілшісі.
“Айлық аясында улы газ бен түтінді анықтайтын 595 датчик орнатылды. Жалпы 3274 датчик сатып алу жоспарлануда. Оның ішінде ЖАО қаражаты есебінен – 2574 дана, мердігерлік ұйымдардың ақшасына – 700 дана”, – деді СҚО ТЖД бастығының орынбасары Дмитрий Растихин.