«Sensitive» би театры Мәскеуде өтіп жатқан фестивалде Гран-при жеңіп алды

«Sensitive» би театры Instagram желісіндегі ресми парақшасында өте белсенді. «INCLUSIVE DANCE» халықаралық байқауына қатысып жатқан әртістер күн сайын ақпарат жариялайды. Байқау Мәскеуде 26 қазан күні басталып, 31 күні аяқталады, деп хабарлайды QZ News тілшісі.

Бірнеше жарыс күнінен кейін «Sensitive» би театрының әртістері беделді фестивалдің Гран-приін жеңіп алғаны белгілі болды. Қазылар алқасы 20-дан астам өнерлі адамды қамтыған «Абай жаны» қойылымына осындай өте баға берді.

Еске салайық, фестиваль бағдарламасына 12 байқау бағыты енгізілген. Биыл ол 3 және одан жоғары жастағы қатысушылар арасында 12-ші рет өткізіліп отыр. Дүйсенбі күні «Sensitive» үш номинация бойынша жеңіске жеткені белгілі болды: қазіргі заманғы хореография бойынша дуэт, ересектер арасындағы бал биі, қазіргі заманғы хореография.