Бескөл ауылындағы 10 көшеде жаңа асфальт пайда болды

Қызылжар ауданының Бескөл ауылында ұзындығы 10 км болатын кентішілік жолдар орташа жөндеуден өтті, деп хабарлайды QZ News тілшісі.

Аудан орталығының мынандай 10 көшесі жаңарды: Баукенов, Киров, Целинная, К.Сүтішев, Фабричная, Восточная, Т.Мұсабаев, Құрманғазы, Қызылжар және Луговая.

“Жұмыстар облыс әкімі Ғауез Нұрмұхамбетовтың қолдауымен жүргізілді. Әрине, әлі көп жұмыс істеу керек. Біз аудан орталығының басқа көшелерін келесі жылы жөндеуге арналған жобаларды дайындап жатырмыз. Бұл бағыттағы жұмыстар жалғасатын болады”, – деп жазды Қызылжар ауданының әкімі Сақтаған Сәдуақасов өзінің Facebook парақшасында.