Дүниежүзілік қайта өңдеу күні: белгілі петропавлдық компания қайта өңделген материалдардан жүздеген тонна өнім өндіреді

15 қараша Дүниежүзілік қайта өңдеу күні. Бұл маңызды экологиялық мереке адамдардың назарын қоршаған ортаның ластану мәселесіне аударуға арналған, деп хабарлайды QZ News тілшісі.

Солтүстік Қазақстан облысына ғана емес, бүкіл Қазақстанға танымал «Radugа KDR» ЖШС қайта өңделетін материалдарды өңдеуге ерекше көңіл бөледі. Компания энергия үнемдеу саясаты мен қоршаған ортаны қорғау қағидаттарын ұстанады. Ол қалдықтарды бөлек жинау және қайта өңдеу жүйесін құрды, бұл полигонға жіберілетін қалдықтардың көлемін азайтуға өз септігін тигізеді.

Кәсіпорын шамамен 16 жыл бойы пластмасса бұйымдарын шығарады, оның ішінде 11 жылдан астам уақыт бойы қайта өңделетін материалдарды өз бетінше өңдеумен айналысады. Бүгінгі таңда бұл қайталама полимерлерді өңдеудің толық циклі бар өңірдегі жалғыз кәсіпорын.

«Radugа KDR» ЖШС  Ақмола, Ақтөбе, Қостанай облыстары мен Солтүстік Қазақстан облысынан қалдықтарды жинап, өңдейді. Кәсіпорынға  жыл басынан бері: 1 755 584 кгпленка , ​​2 912 074 кг маклатура, 233 281 кг пластикалық бөтелкелер, 1 085 217 кг картонжиналған.

Пластмасса бұйымдары шығарылатын учаскеде қайта өңделген материалдардан 720 тоннаға жуық өнім шығарылды. ЖШС жұмысшылары 2280 тонна пленка, 1920 тонна қап, 103 тонна полиэтилен құбыры, 60 тонна люк жасап шығарды.

Қағазды қайта өңдеу орман ресурстарын сақтауға көмектеседі, судың ластануын азайтады және парниктік газдар шығарындыларын азайтады. Кәсіпорын қағаз өнімдерін шығару үшін макулатура мен картонды пайдаланады. Өндірістік циклде «Radugа KDR» ЖШС өзінің су тазарту қондырғыларын пайдаланады. Қағаз өнімдерін шығаратын зауыт жыл басынан бері 4000 тонна өнім шығарды.