Соңғы аптада Солтүстік Қазақстанда 4 мыңнан астам ЖРВИ тіркелді

Солтүстік Қазақстан облысындағы ЖРВИ бойынша эпидемиологиялық жағдай сырқаттанушылықтың маусымдық өсуімен сипатталады. Бұл туралы Солтүстік Қазақстан облысы бойынша санитариялық-эпидемиологиялық бақылау департаментінің мамандары айтты, деп хабарлайды QZ News тілшісі.

«2024-2025 эпидемиялогиялық маусымының басталғанынан бері ЖРВИ-дің 25 135 жағдайы тіркелді. Аурудың ең көп саны 14 жасқа дейінгі балалар арасында байқалады – 16 632 жағдай немесе 66%. Өткен аптада облыста ЖРВИ-дің 4012 жағдайы тіркелді», – делінген Солтүстік Қазақстан облысы бойынша СЭБД хабарламасында. 

ЖРВИ мен тұмаудың негізгі белгілері: жоғары температура, жалпы интоксикация, әлсіздік, тамақ ауруы, мұрынның бітелуі.

Санитарлық дәрігерлер жіті респираторлық вирустық инфекциялар мен тұмаудың алғашқы белгілері пайда болған кезде өзін-өзі емдеуге болмайтынын, медициналық көмекке жүгіну, үйге дәрігер шақыру және ауру баланы балабақшаға немесе мектепке жібермеу керектігін еске салады.