Петропавл колледжінің студенттері қоршаған ортаны қорғауға арналған зияткерлік ойында сайысқа түсті
«Таза Қазақстан» экологиялық бағдарламасы аясында Солтүстік Қазақстан облысының қоғамдық даму және ақпарат орталығы колледж студенттері арасында зияткерлік ойын ұйымдастырды. Ол С.Мұқанов атындағы облыстық кітапханада өтті, деп хабарлайды QZ News тілшісі.
«Ойынның мақсаты – экологиялық ойлауды насихаттау. Ойынның үш кезеңнен тұрады. Экология бойынша викториналар, шығармашылық сұрақтар, тапқырлыққа қосымша дайындалған сұрақтар болады. Жүлделі орындарға ие болғандарға мақтау қағаздарын табыстаймыз, сонымен қатар балаларға кішігірім әдемі сыйлықтар дайындадық», – дейді СҚО Ішкі саясат басқармасының қоғамдық даму және ақпарат орталығының маманы Оксана Гончаренко.