Петропавлдық НЗМ оқушылары Республикалық ТРИЗ олимпиадасында жеңіс тұғырынан көрінді

Петропавлдағы Назарбаев Зияткерлік мектебінің оқушылары өнертапқыштық есептерді шешу теориясы бойынша үшінші республикалық ғылыми-тәжірибелік олимпиадаға қатысты, деп хабарлайды QZ News тілшісі.

Олимпиадаға қатысу үшін Қазақстанның әр өңірінен 26 команда жиналды. Олимпиада алдында Петропавлдық НЗМ оқушылары бірнеше апта бойы өнертапқыштық жәнезерттеушілік есептерді шешуге дайындалды, сонымен қатар практикалық дағдылардыжаттықтырды.

Алан Ерсайын, Асылхан Маратула және Ахмедияр Уалиев командасы бірінші орынды иеленіп, құны 150 мың теңгенің ақшалай сертификатына ие болды. Мансұр Омаров, Мұхамедияр Мұқаш және Дархан Төлеген командасы екінші орын мен 100 мың теңгенің сертификатын жеңіп алды.