«Шабыт» көрмесіне Қазақстан Суретшілер одағы мүшелерінің 40 шығармашылық жұмысы қойылған.

Петропавлда «Ботай» сурет галереясында «Шабыт» есеп беру көрмесінің ашылуы өтті. Онда Қазақстан Республикасы Суретшілер одағы мүшелерінің 40 шығармашылықжұмысы ұсынылған, деп хабарлайды QZ News тілшісі.

«Біздің суретшілер Қазақстанның әртүрлі қалаларында, сондай-ақ елден тыс жерлердекөрмелерін өткізуде. Биылғы жылы біздің одақ мүшелері симпозиумдар мен пленерлергежиі қатысты. Дүниежүзілік көшпенділер ойындары аясында өткен «Көшпенділер кеңістікпен уақыт арқылы» симпозиумына қатысу үшін Астанаға үш картина қалдырдық. Қалған екі жұмыс Әбілхан Қастеевтің 120 жылдығына арналған көрмеде Жаркентте қалды. Бір картина Алматыда Қазақстан Республикасы Суретшілер одағының республикалық есеп беру көрмесіне қойылған. Алдағы уақытта одаққа екі жас суретшіні қабылдағымыз келеді», – дейді ҚР Суретшілер одағының Солтүстік Қазақстан бойынша басқарматөрағасы Ғалия Әбенова. 

Биыл Ғалия Әбенова суретші Гүлфайрус Исмаилованың портреті үшін медальмен марапатталды. Биыл оның 95 жылдығы тойланды. Сонымен қатар, ҚазақстанРеспубликасы Суретшілер одағының Солтүстік Қазақстандағы мүшелерінің бірініңкартинасы Киевтегі Ұлттық музейде сақтаулы. Солтүстік өңірдің суретшілері түрлітақырыпта туындылар жасайды. Айталық, соның ішінде Анатолий Тюрин табиғаттаншабыт алады. Көрмедегі көптеген картиналардан бірегей және қайталанбас пейзаждарды көруге болады.

«Мен шығармашылық өмірімді ұстаздықпен ұштастырып келемін. Менің 44 жылдық педагогикалық тәжірибем бар. Қазақстан Республикасының Тәуелсіздік күніне орай «Ерен еңбегі үшін» медалімен марапатталдым. Мен сурет салуды шамамен 40 жыл бұрын бастадым. Бүгінде туындыларымның көпшілік назарына ұсынылып жатқанына қуаныштымын. Барлық әріптестерімді көрменің ашылуымен құттықтаймын», – дейді суретші Анатолий Тюрин.