Облыс орталығында Нұржан Қалиасқаровты еске алуға арналған волейболдан турнир өтуде
Дәстүр бойынша Қазақстан Республикасының Тәуелсіздік күніне орай ПетропавлдаНұржан Қалиасқаровты еске алуға арналған волейболдан турнир өтуде, деп хабарлайды QZ News тілшісі.
Биыл жарысқа 15 команданың өкілдері қатысты. Облыс орталығының оқушылары мен студенттері жүлделі орындарды сарапқа салады.
«Турнир Абай атындағы мамандандырылған қазақ мектеп гимназиясының қабырғасында өтуде. Жыл сайын қатысушылардың көбейіп келе жатқанына қуаныштымын. Біздің міндетіміз – жастардың басын қосып, Нұржан Қалиасқаров туралы айтып, Тәуелсіздіктің не екенін еске түсіру. Бұл турнир спортшылардың басын біріктіруге, патриоттық рухты тәрбиелеуге арналған», – деді Нұржана Қалиасқаров атындағы «Желтоқсан» қорының төрағасы Өмір Есқали.