Петропавлда «El Umiti Talent» республикалық олимпиадасының жеңімпаздары марапатталды
Облыс орталығында «Makerspace» базасында 7-9 сынып оқушылары арасында өткен «El Umiti Talent» республикалық олимпиадасының жеңімпаздарын салтанатты марапаттау рәсімі өтті. Мектеп оқушылары химия, математика, физика, география, биология, информатика, ағылшын тілі, Қазақстан тарихы сияқты пәндер бойынша білімдерін сынға салды, деп хабарлайды QZ News тілшісі.
«El Umiti» сыйлығының қатысушылары 15 пен 17 жас аралығындағы, айқын көшбасшылық қасиеттері, белсенді өмірлік ұстанымы, өзін-өзі дамытуға және командада жұмыс істеуге ұмтылысы бар жасөспірімдер.
Сыйлық білім беру гранттары, тағылымдамадан өту ақысы және халықаралық конкурстарға қатысу жарналары түріндегі жобаны үздік қорғағаны үшін беріледі. Әрбір номинация жеңімпазына «El Umiti» сыйлығының лауреаты атағы беріледі және білім грантын тағайындау туралы сертификат беріледі.
«El Umiti» корпоративтік қоры ұйымдастырған зияткерлік сайыста Солтүстік Қазақстан облысының білімді, дарынды оқушылары жиналды.
«Қызылжар дарыны» дарынды балалар мен талантты жастарды анықтау және қолдау орталығы» КММ бес жылдан бері «El Umiti» корпоративтік қорымен белсенді ынтымақтастықта болып, дарынды мектеп оқушыларының әлеуетін ашуға жағдай жасап, олардың жоғары нәтижелерге жетуіне қолдау көрсетуде. Біз жас таланттарымызды мақтан тұтамыз және олардың жетістігі олардың болашақтарына маңызды қадам болатынына сенімдіміз. Жеңімпаздарды құттықтаймыз және барлық қатысушыларға алда жеңістер мен жаңа белестерді тілейміз!
Жүлделі орындар: 3 орынды математика пәні бойынша «No8 орта жалпы білім беретін мектеп-эстетикалық тәрбие кешені» КММ 7 сынып оқушысы Лев Загоруйко , Қазхақстан тарихы бойынша «Красногоров орта мектебі» КММ 8 сынып оқушысы Жасмин Сансызбай , дәл осы пән бойынша «Мағжан Жұмабаев атындағы IT-мектеп-лицейі» КММ 9-сынып оқушысы Ғазиз Асхат иеленді.
2 орын Қазақстан тарихы пәні бойынша «Алабота орта мектебі» КММ 8 сынып оқушысы Ілияс Айлана, физика пәні бойынша «Әуезов атындағы орта мектеп» КММ 8 сынып оқушысы Ахмедия Әділбекке бұйырды.
Жеңімпаздарға естелік сыйлықтар табыс етілді.