Шаруа қожалығының иесі Владимир Гердт Аққайың ауданында ірі сүт-тауарлы фермасын салды
“Гердт В.В.” ШҚ Аққайың ауданы, Власовка ауылында 400 басқа арналған сүт-тауарлы фермасын салды. Ауқымды жоба үш кезеңде жүзеге асырылды. Бұл туралы және бизнестің халық алдындағы әлеуметтік жауапкершілігі туралы QZ News тілшісіне шаруа қожалығының басшысы Владимир Гердт айтып берді.
«100 бас ірі қараға арналған ферма 2017 жылы іске қосылды. Мал жергілікті жерден сатып алынды. Кейін симменталдарды Ресейден сатып алдық.. 2019 жылы біз Украинадан мал әкелдік. Бұл екі жүк көлігі, 66 бас голштейн болды. 100 баспен сүт өнімінде алысқа бармайтынымызды түсіндік. 2022 жылы біз 400 басқа арналған сүт фермасы жобасын іске қостық. Шаруа қожалығы «Солтүстік» әлеуметтік-кәсіпкерлік корпорациясының қолдауымен несиеге 192 бас симментал тұқымды ірі қара сатып алды. Бұл ретте сиыр қорасы мен сауын алаңы салынды», – дейді «GRAIN RICH» ЖШС, «Гердт В.В.»ШҚ директоры Владимир Гердт.
2023 жылы «Гердт В.В.» шаруа қожалығында жүз басқа арналған бұзау қорасы салынды. Төлдеу орны да бар.
«Биылғы жылдың наурыз айында қожалыққа Чехиядан 192 бас жас мал әкелінді. Мемлекеттік қолдаусыз мұндай жобаны жүзеге асыру қиынға соғады. СПК мен жұмыс істеу ыңғайлы және тиімді. Қазір кадрлармен толық қамтылып, шаруашылық кеңейтілді. Өзіміздің азық-түлік қорымыз бар. Өнімдер «Eurasian Milk» зауытына жіберіледі. Қазір шаруашылықта 364 бас ірі қара бар. Мал шаруашылығында отызға жуық жұмысшы жұмыс істейді. Кадр жасақталды», – дейді кәсіпкер.
2024 жылы «Гердт В.В.» шаруа қожалығына 26 жасқа толды. Оның басшысы ауыл тұрғындарына қамқорлық жасауға, көмектесуге тырысады.
«Мектеппен байланыс орнатып, әкімдікпен үнемі байланыстамыз. Енді Жаңа жылға көптеген іс-шаралар болады, біздің компания да балалардың көңіл-күйін көтеруге өз үлесін қосады. Келер жылға жол жөндеу және жарықтандыру жұмыстарының жобалық құжаттамасын әзірлеп жатырмыз. Біз жолдарды тазалауға жауаптымыз, бұл мәселе тіпті талқыланбайды, біз жыл сайын қыста ауылдарды таза ұстауға көмектесеміз», – дейді «GRAIN RICH» ЖШС, «Гердт В.В.» шаруа қожалығының директоры Владимир Гердт.