Қасым-Жомарт Тоқаев ҚҚС ставкасы туралы: «Үкімет ұсынған ставка шын мәнінде жоғары болды»

Қазақстан Президенті отандық бизнес өкілдерімен кездесу барысында Үкіметке ҚҚС ставкасы бойынша қосымша жұмыс жүргізуді тапсырды. Сонымен қатар, ол экономиканың салалық ерекшеліктерін ескеретін әртүрлі нұсқаларды қарастыру қажет екенін айтты, деп хабарлайды QZ News Ақорда баспасөз қызметіне сілтеме жасап.

«Мен бұған дейін бұл туралы пікір білдірмегенмін, себебі әрбір сөзім, әрбір пікірім қызметтік мәртебеме байланысты қатаң тапсырма ретінде қарастырылуы мүмкін, бірақ қазір мен өз пікірімді білдіргім келеді. ҚҚС ставкасы дифференциалды болуы тиіс», – деп мәлімдеді Президент.

Оның жоғарғы шегі бойынша шешім Үкімет тарапынан нақты есептеулер негізінде, білікті мамандардың, кәсіпкерлер мен депутаттардың пікірлерін ескере отырып қабылдануы тиіс.

«Бір нәрсе анық, Үкімет ұсынған ставка шын мәнінде жоғары болды. Сіздер осы цифраны айттыңыздар. өте өткір болды, кейде менің ойымша, тым өткір болды, себебі бұл алдын ала ұсыныс еді, ол талқылауға жататын еді. Мен қайталап айтамын, Үкіметтің бұл бағыттағы жұмысы барлық мүдделі тараптардың, яғни бизнес, қоғам, кәсіпкерлер мен сарапшылардың пікірлері ескеріле отырып жалғасуы керек. Биыл біз шешімге келуіміз керек. Қайтадан айтамын: Үкімет бұл мәселені депутаттармен және сарапшылармен егжей-тегжейлі талқылауы керек. Сондай-ақ бүгінгі кездесуде айтылған ұсыныстарды да ескеру қажет. Мемлекетке оңтайлы шешімдер қажет, олар бір жағынан бизнеске кедергі келтірмей, қолайлы жағдайлар жасайды, екінші жағынан салық салу саласында тәртіп орнатып, бюджетке түсімдердің артуын қамтамасыз етеді», – деп мәлімдеді Президент.