«Менің кәсібімде мені шабыттандыратыны — жаңа объектілердің құрылысына титтей де болса үлесімді қосу», — деп атап өтті 2-ЖЭО қайта жаңарту және модернизациялау жөніндегі жөндеу инженері Вадим Чирков
Вадим Чирков бала кезінен құрылыс және жөндеу саласында жұмыс істегісі келген. Сондықтан Петропавл 2- ЖЭО-да бос орын пайда болғанда, ол бірден жұмысқа орналасты, деп хабарлайды QZ News «Севказэнерго» АҚ-ға сілтеме жасап.
Вадим — энергетиктер әулетінің өкілі: оның әкесі Сергей — электр жабдығын жөндеу шебері. Вадим өзі жөндеу жұмыстарын бақылауға, процестерді ұйымдастыруға, мердігер ұйымдармен өзара іс-қимыл жасауға, жобалық шешімдер мен кестелерді түзетуге, сондай-ақ техникалық және атқарушылық құжаттаманы жүргізуге жауап береді.
«Кәсібімде мені шабыттандыратыны — менің жаңа объектілердің құрылысына титтей де болса үлесімді қосу көңіліме қуаныш ұялатады, ал ескі жабдық жаңартылып станцияның қызмет ету мерзімін ұзартады», — дейді Вадим Чирков.
Вадим үшін ең жарқын оқиға — №1 түтін мұржасының шахтасын салу — ескі мұржаны бұзу мен жаңа мұржаны тұрғызу. Бұл үлкен және қызықты жоба, оған өзінің күшін осы ауқымды процесске қосу маңызды болды. Құрастыру— инженердің жұмысының ажырамас бөлігі.
«Маған ең ұнайтыны — жаңа нәрсе жасау, адамдармен араласу. Станцияда бізде Қазақстаннан да, басқа елдерден де мердігер ұйымдар үнемі жұмыс істейді. Бұл әрдайым тәжірибе және пайдалы білім алмасу. Олардың келуі менің жұмысымда әртүрлілік пен жаңа идеяларды әкеледі», — дейді Вадим.
Алайда, өндірістік процестердің маңызды бөлігі болса да, кейбір нәрселерге ол қанағаттанбайды.
«Маған ұнамайтын жұмыс бөлігі, көп адамның айтуы бойынша, — қағазбастылық, үнемі компьютер алдында бір орында болу. Нысанда көбірек уақыт өткізгің келеді, оқиға ортасында болғың келеді, құрылыс немесе өндіріс барысында маңызды сәтті жіберіп алғың келмейді», — дейді ол.
Бос уақытында Вадим отбасымен ұзақ сапарларға шығуды және қызымен шаңғымен сырғанауға баруды ұнатады. Сондай-ақ ол саяжайда үй салып жатыр, бұл оған үлкен қуаныш әкеліп, тек демалыс қана емес, жаңа жетістіктерге шабыт береді.