«Искра» бау-бақша серіктестігінің тұрғындары СҚО әкіміне саяжай массивінен көшіру туралы өтінішпен жүгінді
Солтүстік Қазақстан облысының әкімі Ғауез Нұрмұхамбетов тұрғындарды қабылдау орталығында азаматтарды жеке қабылдау өткізді. Қабылдау барысында әртүрлі мәселелер талқыланып, саяжай иелерінің жағдайы да көтерілді. QZ News мәліметінше, «Искра» бау-бақша серіктестігінің тұрғындары саяжай массивінен көшіруді және басқа тұрғын үй беруді сұрады.
Қабылдау кезінде өтініш иелеріне заңнамаға сәйкес, азаматтардың саяжай массивінде күрделі құрылыс салуға құқығы жоқ екені, сондықтан бұл жағдай бойынша тұрғын үй беру мүмкін еместігі түсіндірілді. Саяжай иелеріне кезекке тұру ұсынылып, тұрғын үй заңды тәртіппен кезекке сәйкес берілетіні айтылды. Су тасқыны кезінде саяжай учаскелерін су басу қаупі туса, тұрғындарды эвакуациялық пункттерге көшіру ұйымдастырылады.
Естеріңізге сала кетейік, өткен жылы күшті су тасқыны салдарынан Заречный ауылында 189 үй апатты деп танылып, тұрғындарға жаңа үйлер мен пәтерлер берілді. Қазіргі уақытта ауылда 251 үй мен пәтер бар.
Заречный ауылы Есіл өзенінің жағасында орналасқандықтан, жүргізілген бөгет нығайту жұмыстарына қарамастан, шағын ауданды толығымен су тасқынынан қорғау мүмкін емес. Осыған байланысты барлық тұрғындарды көшіру туралы шешім қабылданды. Қазіргі уақытта екі көпқабатты тұрғын үйдің құрылысы жүргізілуде, сондай-ақ тұрғындарға