Қамқорлық көрсету: Айыртау ауданының еріктілері қар тазалауда қарт адамдарға көмектеседі
СҚО Айыртау ауданының Саумалкөл ауылындағы бейжай қарамайтын тұрғындар, соның ішінде партия мүшелері мен еріктілер бірлесіп қарияларға көмек көрсетті, деп хабарлайды QZ News.
Белсенділер жолдарды қардан тазалап,жиналған қар үйінділерін шығарды, сондай-ақ тұрмыстық жұмыстарға қолдау көрсетті. Аталған тазалық іс-шарасы «Таза бейсенбі» акциясы аясында өтті.
⠀
«Мұндай акциялар ауылды таза ұстауға ғана емес, аға буынға қамқорлық көрсетуге де мүмкіндік береді. Біз еліміздің және қоғамымыздың дамуына елеулі үлес қосқан жандарды ұмытпауымыз керек», – деп атап өтті акцияға қатысушылар.
⠀
«AMANAT» партиясы азаматтарды қолдауға бағытталған әлеуметтік бастамаларды жүзеге асыруды жалғастырып, мұқтаж жандарға көмек көрсету бойынша жаңа іс-шараларды жоспарлап отыр. Қыс басталғалы бері аманаттықтар Солтүстік Қазақстан облысында 30-ға жуық сенбілік өткізді.