Петропавлда жол апатынын жүргізуші қаза тауып, екі жолаушы жарақат алды
Солтүстік Қазақстан облысы полиция департаментінің мәліметінше, 17 наурыз күні сағат 15:40-та Петропавл қаласындағы Қожаберген жырау тасжолында Toyota автокөлігі қоршауға соғылып, жол апатына ұшырады, деп хабарлайды QZ News.
«Жол-көлік оқиғасы салдарынан 33 жастағы Toyota жүргізушісі қаза тапты. 2024 жылы туған жолаушы ауруханаға жатқызылды, ал 26 жастағы жолаушы медициналық көмекке жүгінді, бірақ ауруханаға жатқызу қажет болмады», – деп мәлімдеді облыстық полиция департаментінің баспасөз қызметі.
Аталған факті бойынша сотқа дейінгі тергеу жүргізілуде. Оның нәтижесінде процессуалдық шешім қабылданады.