Наурыз салтанат құрған аула: көпқабатты үй тұрғындары мерекені қалай атап өтті
Петропавлда Наурыз мейрамы тек қаладағы басты және орталық алаңдарда ғана емес, көпқабатты үйлердің аулаларында да жарқын, көңілді әрі әсерлі түрде тойлана бастады, деп хабарлайды QZ News.
Бұл игі дәстүрге айналып, тұрғындардың бір-бірімен жақынырақ араласуына, мерекенің ерекше атмосферасын сезініп, қуанышын көршілерімен бөлісуіне мүмкіндік береді.
Осылайша, облыс орталығында Конституция көшесі, 76 және Хименко көшесі, 1 мекенжайларында Наурыз мейрамы ерекше сән-салтанатпен аталып өтті. Тұрғындарды Солтүстік Қазақстан облысының әкімі Ғауез Нұрмұхамбетов пен Петропавл қаласының әкімі Серік Мұхамедиев арнайы келіп құттықтады.
Мерекелік концерт, сыйлықтар, ыстық шай, бауырсақ және тәттілер тек үй тұрғындары үшін ғана емес, аула қонақтары үшін де дайындалды.
