Петропавлда Қараванная көшесінде жеке үйде өрт шықты

Петропавл қаласындағы Қараванная көшесінде орналасқан екі пәтерлі жеке тұрғын үйде өрт шықты. Өрт верандадан басталған, алайда құтқарушылардың үйлесімді жұмысының арқасында жалын бөлмелерге таралмаған, деп хабарлайды QZ News.

Өрт туралы хабар өрт сөндіру қызметіне түскеннен кейін, кезекші бөлім дереу оқиға орнына шықты. Оқиға орнына жеткен сәтте үйде кіреберіс бөлме толықтай өртке оранған еді, бірақ мамандар кәсіби әрі тиімді әрекет етіп, өртті оқшаулап, толықтай сөндірді. Осылайша, жалынның пәтерлерге таралуына жол берілген жоқ.

Оқиға салдарынан ешкім зардап шеккен жоқ. Қазіргі уақытта өрттің шығу себебі анықталуда.