Петропавл әкімі қала тұрғындарын ҚР Мемлекеттік рәміздер күнімен құттықтады

Петропавл қаласының әкімі әлеуметтік желілерде қала тұрғындарын Қазақстан Республикасының ең маңызды ұлттық мерекелерінің бірі – Мемлекеттік рәміздер күнімен құттықтады, деп хабарлайды QZ News.

Өз құттықтауында әкім Мемлекеттік Ту, Елтаңба және Әнұран – елдің рухани байлығының, ұлттық бірлігінің, тәуелсіздігі мен егемендігінің айқын көрінісі екенін атап өтті. Ол рәміздерге құрмет көрсету – әрбір қазақстандықтың қасиетті борышы екенін айтты.

Қала басшысы облыс орталығы тұрғындарына және олардың отбасыларына зор денсаулық, табыс пен амандық тіледі.