Үкімет Аппаратының инспекторы СҚО-дағы энергетикалық инфрақұрылымның жылыту маусымына дайындығын тексерді

Жұмыс сапары аясында ҚР Үкіметі Аппаратының өңірлік инспекторы Бауыржан Балғабаев Солтүстік Қазақстан облысының стратегиялық маңызды энергетикалық нысандарын аралап, өңірдің алдағы жылыту маусымына дайындығын бағалады. Сапар барысында жылу-энергетикалық қондырғыларда жүргізіліп жатқан жөндеу және қайта құру жұмыстарына ерекше назар аударылды, деп хабарлайды QZ News «СЕВКАЗЭНЕРГО» АҚ-ына сілтеме жасап.

«СЕВКАЗЭНЕРГО» АҚ бас директоры Анатолий Казановскийдің айтуынша, Петропавлдағы 2-ЖЭО-да жоспарланған барлық жұмыстар бекітілген кестеге сай жүргізілуде. Негізгі іс-шаралар қатарына мыналар кіреді:

•⁠ ⁠Екі турбоагрегат пен үш қазан агрегатын күрделі жөндеу, төрт турбоагрегат пен сегіз қазан агрегатына ағымдағы жөндеу жүргізу;

•⁠ ⁠№2 қазан агрегатын (аяқталу мерзімі — 2028 жыл) және №1 турбоагрегатты (аяқталу мерзімі — 2026 жыл) қайта құру;

•⁠ ⁠Жаңа мұржаны іске қосу.

«Петропавл жылу желілері» ЖШС бас директорының міндетін атқарушы Виталий Холошаның айтуынша, №6 жылу магистралін қайта жаңғырту жұмыстарының 43%-ы, яғни 1,7 км-нің 0,74 км-і аяқталған. Ол дәнекерлеу сапасына және белгіленген мерзімдердің қатаң сақталуына ерекше көңіл бөлініп отырғанын атап өтті.

Аяқталған жұмыс кезеңдері мыналарды қамтиды:

•⁠ ⁠ТК-6-13 жылу камерасын орнату;

•⁠ ⁠П-тәрізді компенсаторды монтаждау;

•⁠ ⁠Ружейников пен Гоголь көшелерінің қиылысындағы құбыр бөлігін ауыстыру.

Бауыржан Балғабаев жылыту маусымына уақтылы және сапалы дайындықтың маңыздылығын атап өтіп, өңірдің энергожүйесінің үздіксіз жұмыс істеуі үшін жөндеу жұмыстарының нормативтер мен кестеге сай жүргізілуі қажет екенін баса айтты.