Береке шағынауданында жайлы мектеп жаңа оқу жылына ашылады
July 15, 2025 10:51
Береке шағынауданында жаңа оқу жылында заманауи жаңа мектеп есігін ашады. Құрылыс барысын Солтүстік Қазақстан облысының әкімі Ғауез Нұрмұхамбетов жеке өзі барып тексерді, деп хабарлайды QZ NEWS.
Мектептен бөлек, Жас Өркен шағынауданында балабақша құрылысы да қарқынды жүріп жатыр. Құрылыс жұмыстары жоспарға сай жүргізілуде.
Жұмыс сапары барысында Ғауез Нұрмұхамбетов Жұмысшы кентіндегі жол өткелі мен Малая көшесіндегі жол құрылысымен де танысты. Барлық мердігер ұйымдарға құрылыс пен жөндеу жұмыстарын сапалы әрі белгіленген мерзімде аяқтау міндеті қойылған. Бұл өз кезегінде қаланың инфрақұрылымын жақсартып, тұрғындарға қолайлы білім беру және қозғалыс жағдайларын қамтамасыз етуге мүмкіндік береді.