Актер және режиссер Владимир Шустов өмірден өтті

Николай Погодин атындағы орыс драма театрының актері және режиссері Владимир Шустов 78 жасында өмірден озды, деп хабарлайды QZ NEWS.

Владимир Шустов Пермь облысының Кизел қаласында дүниеге келген. Ф.М. Достоевский атындағы Омбы мемлекеттік университетін «театрландырылған қойылымдар мен мерекелер режиссеры» мамандығы бойынша тәмамдаған. Еңбек жолын Кизел драма театрында бастап, кейін Жамбыл орыс драма театрында, Ташкент қаласындағы Мемлекеттік орыс жасөспірімдер театрында жұмыс істеді. 1984 жылы Солтүстік Қазақстан облыстық Н. Погодин атындағы орыс драма театры труппасына қабылданды.

Ол сомдаған рөлдер:
Ата (А. Твардовский «Василий Теркин»),
Сенатор Тит (Джон Патрик «Ғажайып миссис Сэвидж»),
Атаман Платов (Б. Рацер, В. Константинов «Орыс сыры»),
Губернатор Гасфорт (С. Мұқанов «Шоқан Уәлиханов»),
Үй иесі (М. Ладо «Онша қарапайым емес оқиға»),
Дәрігер Майерс (К. Людвиг «Примадонналар»),
Дәрігер (Джон Патрик «Қымбатты Памелла»),
Чебутыкин Василий Романович (А.П. Чехов пьесасы бойынша қазіргі заманғы қиял «Үш апай – 21 ғасыр»),
Шургин (А.Н. Островский «Бақытты күн»),
Саня (В. Гуркин «Кадриль»),
Барон (В. Красногоров, В. Плешак «Махаббат дәрісі»),
Гипнотизер (В. Сигарев «Өтірік детекторы»),
Чмутин (А. Галин «Мәжбүрлі күйеу» «Ретро»),
Ребе (Г. Горин «Тевье… Бір еврейдің тарихы»),
Билл (Р. Куни «Отбасындағы төтенше жағдай») және т.б.

Режиссер ретінде қойған спектакльдері: Н.В. Гоголь «Ревизор», В. Розов «Үйлену күні», А. Фред «Ханымдар мен гусарлар», В. Гуркин «Прибайкаль кадрилі», С. Лобозеров пьесасы бойынша «Көрші болып өмір сүреміз», Виктор Шалаев инсценировкасы бойынша «Ұлы жылдарға тағзым» және басқалары.