СҚО-да полиция қызметкері суға батып бара жатқан әке мен баланы құтқарды
Демалыста жүргенде аға инспектор Ерлан Қазиев батылдық танытып, Новоишим ауылындағы жағажайда суға батып бара жатқан екі адамды құтқарып қалды. Бұл оқиға туралы бірден белгілі болмады, өйткені қарапайым полицей өзінің ерлігін жариялауды қаламаған, деп хабарлайды QZ NEWS.
Ішкі істер министрлігінің баспасөз қызметінің мәліметінше, жағажайда демалып жүрген Қазиев көмек сұраған дауысты естіп, ойланбастан суға секірген. Ол алдымен баланы, кейін әкесін жағаға сәтті шығарып алған.
Ерлан Қазиев – СҚО полиция департаментінің арнайы және жұмылдыру даярлығы басқармасының аға инспекторы, Ғ. Мүсірепов атындағы аудандық полиция бөлімінде қызмет етеді. Басқарма полиция қызметкерлерінің саптық, атыс даярлығын, сондай-ақ дағдарыс жағдайларындағы іс-қимылдарды үйретуді ұйымдастыруға жауапты.