Петропавлда құтқарушылар ағашта қысылып қалған мысыққа көмектесті
August 21, 2025 14:14
Петропавлда Н. Назарбаев көшесінде құтқарушылар екі күн бойы биік ағаштан өздігінен түсе алмай қалған кішкентай мысыққа көмекке келді, деп хабарлайды QZ NEWS.
ҚР ТЖМ мәліметінше, тұрғындар мияулаған дыбысты естіп, «112» қызметіне хабарласқан. Оқиға орнына жеткен құтқарушылар альпинистік құрал-жабдықтың көмегімен ағашқа абайлап көтеріліп, қорқып қалған мысықты түсіріп алды. Балапан мысық дін аман болды.
«Оның иесі табылмады, бірақ көршілердің бірі үйіне алып кетті», – деп хабарлады ҚР ТЖМ.