Петропавлда тазалық үшін жаңа технологиялар мен айыппұлдар қолданылуда

Рұқсатсыз қоқыс үйінділері мәселесі облыс орталығындағы ең өзекті проблемалардың бірі болып отыр. Осыған байланысты жергілікті билік жаңа технологияларды енгізіп, бақылауды күшейтуде. Биыл спутниктердің көмегімен 9 қоқыс орны анықталып, жойылды, деп хабарлайды QZ NEWS.

Қала әкімі Петропавл қалалық мәслихатының сессиясында хабарлағандай, тұрғындардың өтініштері мен тексерістер барысында 39-дан астам қоқыс үйіндісі жиналды, бұл 320 тоннадан артық қоқыс. Осы мақсаттарға 36 млн теңге бөлінген.

«Мұнда учаскелік инспекторлардың жұмысы да маңызды рөл атқарады: жыл басынан бері 57 рейд жүргізіліп, 4,8 мыңнан астам құқықбұзушы қоқыс тастау және абаттандыру ережелерін бұзғаны үшін жауапкершілікке тартылды. ҚР ӘҚБК-нің 434-2-бабы («Қоғамдық орындарды ластағаны үшін») бойынша 878 құқықбұзушыға жалпы сомасы 25 млн 594 мың 430 теңге айыппұл салынды. Ал 505-бап («Қаланы абаттандыру ережелерін бұзу») бойынша 3 987 әкімшілік құқықбұзушылық анықталып, оның ішінде 3 826 адамға ескерту жасалды, 117 құқықбұзушыға 10 млн 407 мың 800 теңге көлемінде айыппұл салынды», – деді қала әкімі.