Петропавлда «Otbasy Fest» отбасылық фестивалі өтті
September 8, 2025 19:03
Пестрое көлінің жағасында, «Солтүстік жұлдызы» стелласының жанында «Otbasy Fest» отбасылық фестивалі ұйымдастырылды. Іс-шараны Отбасы банкі Qyzyljar Creative Center және Әйелдер істері және отбасылық-демографиялық саясат жөніндегі ұлттық комиссияның қолдауымен өткізді, деп хабарлайды QZ NEWS тілшісі.
Фестиваль қуаныш пен бірлік атмосферасын қалыптастырып, облыс орталығының отбасыларын біріктірді. Оның басты мақсаты – отбасылық құндылықтарды нығайту, саламатты өмір салтын насихаттау болды.
Қонақтар үшін мазмұнды бағдарлама әзірленді:
- Qyzyljar Creative Center резиденттерінің шығармашылық өнер көрсетулері: әндер, билер және цирктік шоу.
- Фотосурет аймақтары, ойын алаңдары мен тәтті сыйлықтардан тұратын интерактивті аймақтар.
- Балаларды ойындар мен байқаулар арқылы қуантқан аниматорлары бар балалар алаңы.
- Отбасылық спорттық эстафеталар, онда командалар ептілік пен жылдамдықта сынға түсті.
Мереке соңында достық пен бірлікті бейнелеген жаппай батпырауық ұшыру көрінісі болды. Көкке көтерілген түрлі-түсті батпырауықтар қатысушыларға ұмытылмас әсер сыйлады.