Петропавлда қала тұрғынының қырағылығының арқасында заңсыз гараж эвакуацияланды
September 8, 2025 13:04
Петропавлда заңсыз салынған құрылыстармен күрес жалғасуда. Жақында Жамбыл көшесінде тұрған темір гараж эвакуацияланды, деп хабарлайды QZ NEWS тілшісі.
Есігіне ескерту қағазы ілінгеніне қарамастан, құрылыс иесін анықтау мүмкін болмады. Бұл мәселені қала абаттандыруына ерекше көңіл бөлетін жергілікті блогер әрі белсенді Мәлік Шиғабутдинов көтерді.
«Учаске» жедел-профилактикалық іс-шарасы аясында тәртіп сақшылары мен жергілікті атқарушы органдар гаражды арнайы айыппұл тұрағына эвакуациялады. «Учаске» іс-шарасы 1 қарашаға дейін жалғасады.