Экономнан люксқа дейін: Петропавл қонақүйлеріндегі нөмірлер қанша тұрады

Петропавлда туризм саласы қарқынды дамып келеді. Оның маңызды бөлігі – қонақтарға жайлы тұрғын үй ұсыну. QZ NEWS редакциясы қала қонақүйлеріндегі бағаларды зерттеп, нөмірлер мен апартаменттердің қанша тұратынын анықтады.

Облыс орталығында қонақүйлер әртүрлі санаттағы нөмірлерді ұсынады: «Экономнан» бастап «Люксқа» дейін. Баға тәулігіне қонақүйдің класына, орналасуына және көрсетілетін қызмет түрлеріне қарай өзгереді.

Ең қымбат баға үш қонақүй кешенінде тіркелген:

• «Green-Which» қонақүйі: «Стандарт» — 35 000 теңгеден, «Люкс» — 65 000 теңге.
• «СКИФ» қонақүйі: «Стандарт» — 32 000 теңгеден, «Комфорт» — 38 000 теңгеден, «Люкс» — 50 000 теңгеден. Сондай-ақ «Твин» нұсқасы бар — 36 000 теңгеден.
• «Telegraph-inn» қонақүйі: «Стандарт» — 28 000 теңге, «Жартылай люкс» — 30 000 теңге, «Люкс» — 34 000 теңге.

Орташа баға 10 000-нан 35 000 теңгеге дейінгі қонақүйлер:

• «Южная»: екі адамдық нөмір — 10 000 теңге, үш адамдық — 12 000 теңге.
• «Астана»: «Эконом» — 12 000 теңгеден, «Жартылай люкс» — 25 000 теңгеден, «Люкс» — 35 000 теңге.
• «Қызыл жар»: «Эконом» — 12 000 теңгеден, «Стандарт» — 17 000 теңге, «Жартылай люкс» — 19 000 теңге, «Люкс» — 35 000 теңге, «Отбасылық» — 25 000 теңге.
• «Хижина»: «Стандарт» — 14 000 теңге, «Жартылай люкс» — 16 000 теңге, «Люкс» — 18 000 теңге, «VIP» — 28 000 теңге.
• «Алтын Орда»: бағалар 14 000-нан 20 000 теңгеге дейін.
• «Лина»: «Стандарт» — 17 500 теңге, «Жартылай люкс» — 18 500 теңге, «Люкс» — 20 500 теңге.
• «Алтын Адам»: «Стандарт» — 21 000 теңгеден, «Жартылай люкс» — 25 000 теңге, «Люкс» — 29 000 теңгеден, «Бизнес» — 31 000 теңгеден.
• «PARK HAUS»: апартаменттер ұсынады. Бағасы бөлме саны мен орналасуына байланысты. Бір бөлмелі — 9 000-нан 25 000 теңгеге дейін, екі бөлмелі — 15 000-нан 25 000 теңгеге дейін, үш бөлмелі — 16 000-17 000 теңге.

Осылайша, Петропавл қонақтары кез келген бюджетке сәйкес келетін қонақүй нұсқасын таңдай алады.