Петропавлда этносаралық қатынастарды нығайтуға арналған коуч-сессия өтті
Достық үйінде Қазақстанның этномәдени бірлестіктері сарапшыларының қатысуымен облыстық коуч-сессия өтті. Жиында қоғамдық ұйым өкілдері алдағы уақытта өңірде жұмысты қалай жандандыру жолдарын талқылады, деп хабарлайды QZ News.
Іс-шараға этномәдени бірлестіктермен қатар мемлекеттік органдардың өкілдері де қатысты. Кездесу барысында олардың арасындағы ынтымақтастықты нығайтудың жаңа тәсілдері сөз болды. Коуч-сессияны «Қоғамдық келісім» белсенділері ұйымдастырды. Олардың айтуынша, басты мақсат – Қазақстан халқы Ассамблеясының қызметінің тиімділігін арттыру.
Шақырылған спикерлер қатарында Астана, Көкшетау және Солтүстік Қазақстан облысының мамандары болды. Жиында этномедиацияны дамыту және өңірдегі этносаралық қатынастар жайлы пікір алмасты.
«Басты назар практикалық мәселелерге аударылды: тәжірибе алмасу, этномәдени бірлестіктердің жұмысын жандандыруға арналған ұсыныстар әзірлеу, сондай-ақ этносаралық тақырыптар бойынша БАҚ-та сенімді сөйлеу дағдыларын дамыту», – деп атап өтті ұйымдастырушылар.
