СҚО лагерьлерінде оқушыларға жол қозғалысы ережелері бойынша тәжірибелік сабақтар өткізілді
Солтүстік Қазақстан облысының барлық аудандары мен Петропавл қаласында «Заң және тәртіп» қағидатын ілгерілету аясында профилактикалық іс-шаралар өтті. «Жол қозғалысына қатысушылардың қауіпсіздігі» атты акция мектеп жанындағы жазғы лагерьлер базасында ұйымдастырылды, деп хабарлайды QZ NEWS тілшісі.
Ауқымды акцияның басты мақсаты – өңірдің жас тұрғындарына велосипед пен самокатты қауіпсіз пайдалану ережелерін еске салып, жолда және аулаларда өзін дұрыс ұстау дағдыларын қалыптастыру болды.
– Акция барысында облыстық прокуратура қызметкерлері полиция органдары және білім бөлімдерінің өкілдерімен бірлесіп, балаларға интерактивті тәжірибелік сабақтар өткізді. Оқушыларға қалалық ортада қауіпсіз жүріп-тұрудың үлгілері көрнекі түрде көрсетіліп, қолданыстағы жол қозғалысы ережелерінің негізгі талаптары түсіндірілді. Сонымен қатар, арнайы оқыту элементтері ұсынылды, – деп хабарлады қадағалаушы орган өкілдері.
Ұйымдастырушылар жазғы демалыс кезеңінде кәмелетке толмағандардың қатысуымен болатын жол-көлік оқиғаларының алдын алу мәселесіне ерекше назар аударды. Ведомство өкілдерінің айтуынша, мұндай сабақтар өскелең ұрпақтың өз қауіпсіздігіне және айналасындағы адамдардың қауіпсіздігіне жауапкершілікпен қарауын қалыптастыруға бағытталған.