Тазару күні: СҚО-да 150-ден астам экологиялық акция өтті

Бұл күні экологиялық акциялар облыс аудандарында да өтті, деп хабарлайды QZ News.

Экологиялық іс-шараларға мемлекеттік органдардың өкілдері, қоғам белсенділері, еріктілер мен жай ғана бейжай қарамайтын азаматтар белсенді қатысты. Ауыл тұрғындары аулаларды, балалар алаңдарын, жақын маңдағы аумақтарды, саябақтар мен скверлерді тазалады.

«Барлығымыз бірге қалған қарды тазалап, қоқысты жинап жатырмыз. Мерекеден кейін де көп нәрсе қалады, ауылымызды ретке келтірудеміз. Бұл өте маңызды әрі пайдалы жұмыс. Егер біз жасамасақ, Қазақстанды кім таза, әдемі және жақсы етеді?» – деді Шал ақын ауданының тұрғыны.

Петропавлда еріктілер мен жастар ресурстық орталығының белсенділері жалғыз тұратын зейнеткерлерге көмек көрсетіп, олардың аулаларын тазартып, үй шаруасына жәрдемдесті.

«Мен өзім мұнымен айналыса алмаймын, денсаулығым жарамайды. Жастардың келіп, көмектескені қандай жақсы. Бізді ұмытпағандарына, осындай керемет акция ұйымдастырғандарына өте қуаныштымын. Тазалық – әрдайым жақсы!» – деп алғысын білдірді қала тұрғыны.

Жалпы, Тазару күні аясында өңірде 150-ден астам экологиялық акция ұйымдастырылып, 10 мыңнан астам адам қатысты. Еске салайық, Наурызнама мерекелік онкүндігі Қазақстанда 14 наурызда басталды. Осы 10 күн ішінде СҚО-да 700-ден астам іс-шара өтті, олардың қатарында концерттер, қайырымдылық акциялары, шығармашылық көрмелер, спорттық жарыстар және басқа да шаралар бар.