Ақжар ауданында аударылған жүк көлігінен 63 жастағы жүргізуші құтқарылды
Солтүстік Қазақстан облысының Төтенше жағдайлар департаментінің қызметкерлері жол-көлік оқиғасынан кейін жүк көлігінің кабинасында қысылып қалған 63 жастағы жүргізушіні жедел түрде құтқарып қалды. Жол апаты Талшық ауылының маңындағы республикалық автожолда орын алды, деп хабарлайды QZ NEWS.
Алдын ала мәлімет бойынша, 1962 жылы туған жүк көлігінің жүргізушісі рөлге ие бола алмай, көлік жол жиегіне шығып кетіп, аударылып қалған. Оқиға орнына дереу жеткен құтқарушылар гидравликалық құралдың көмегімен көлік кабинасында қысылып қалған ер адамды шығарып алды.
Құтқарылғаннан кейін жүргізуші әрі қарай тексеріліп, қажетті медициналық көмек көрсетілуі үшін жедел жәрдем қызметіне тапсырылды.