Тайынша ауданында фельдшерлі-акушерлік пункттың құрылысы басталады
Тайынша ауданына жасаған жұмыс сапары барысында облыс әкімі Ғауез Нұрмұхамбетов Қарағаш ауылының тұрғындарымен кездесті. Әңгіме барысында ауылды дамыту талқыланып, тұрғындар өзекті мәселелерді көтерді, деп хабарлайды QZ Media тілшісі.
“Қазір Қарағаштағы 6 көшенің жолдары жөнделуде. Келесі жылы су желілерін жөндеуді қарастырамыз. Фельдшерлі-акушерлік пункттың құрылысы басталады”, – деп жазды облыс әкімі әлеуметтік желідегі парақшасында.
«Астық STEM» серіктестігі де елді мекенге көмек қолын созуда. Серіктестік басшысы медициналық нысанға автокөлік алуды жоспарлап отыр.
Сондай-ақ ауданда жасаған жұмыс сапары кезінде өңір басшысы кәсіпорындар мен әлеуметтік нысандардың жұмысымен танысып, картоп пен сәбіз жинау барысын қарап, алқапта диқандармен тілдесті.
