СҚО маманы Шынар Касенова санитариялық-эпидемиологиялық қызметке 24 жылдан астам уақытын арнаған

Санитариялық-эпидемиологиялық қызметтің жұмысы көп жағдайда көпшілікке байқала бермейді. Алайда қоршаған ортаның қауіпсіздігі, көрсетілетін қызметтер мен азық-түлік өнімдерінің сапасы, сондай-ақ халықтың санитариялық-эпидемиологиялық саламаттылығы көбіне осы сала мамандарының кәсіби біліктілігіне байланысты. 15 қыркүйекте санитариялық-эпидемиологиялық қызмет қызметкерлерінің кәсіби мерекесі аталып өтеді. Бұл – күн сайын жауапты міндетті атқарып жүрген мамандар туралы айтуға себеп, деп хабарлайды QZ NEWS тілшісі.

Сол мамандардың бірі – СҚО Санитариялық-эпидемиологиялық бақылау департаменті Ақжар аудандық санитариялық-эпидемиологиялық бақылау басқармасының санитариялық-эпидемиологиялық бақылау, жоспарлау және қызметті талдау бөлімінің басшысы Шынар Касенова.

Ол өзінің кәсіби жолын санитариялық-эпидемиологиялық қызметпен 24 жылдан астам уақыт бұрын байланыстырған. 2002 жылы Шынар Касенова Көкшетау медициналық колледжін «Гигиена, эпидемиология» мамандығы бойынша тәмамдаған. Еңбек жолын Ақмола облысы Көкшетау қаласының Мемлекеттік санитариялық-эпидемиологиялық қызмет басқармасында эпидемиологтың көмекшісі болып бастаған.

Екі жылдан кейін маман өзі туып-өскен туған жері – Ақжар ауданына оралып, кәсіби қызметін аудандық санитариялық-эпидемиологиялық қызметте жалғастырды.

Еңбек жолында Шынар Касенова маманнан бастап бөлім басшысына дейінгі кәсіби өсудің барлық негізгі сатыларынан өтті. Осы уақыт ішінде мол тәжірибе жинақтап, аудан деңгейіндегі санитариялық-эпидемиологиялық бақылау жұмысының ерекшеліктерін жетік меңгерді.