Тазарту жұмысы бригадасының ең жас қызметкері Даниил Вязовой: “Біз бәріне көмектесуге тырысамыз”

Даниил Вязовой – тазарту жұмысы бригадасының ең жас қызметкері. Ол 19 жаста. Жасына қарамастан, тәжірибелі коммуналдық қызметкерлермен бірге күшейтілген режимде жұмыс істейді, іс жүзінде 24/7 режимінде тер төгеді, деп хабарлайды QZ Мedia тілшісі.

Оның мақсаты – университетте оқуға ақша жинау. Даниилдің сөзінше, жұмыс көп және кейде қиын болады. Бірақ, бұған жас жігіт сабырмен қарайды. Ол адамдарға көмектесуге ұмтылып тұрады.

“Тазарту жұмысы ұжымында жарты жылдан бері жұмыс істеп келемін. Менің әкем осында ұзақ уақыт еңбек етеді. Жоғары білім алу үшін мен онымен бірге жұмыс істеуді шештім. Біз бәріне көмектесуге тырысамыз. Адамдардан шыдамдылық танытуды сұрағымыз келеді. Әрқайсыңызға көмектесуге уақыт табылады”, – дейді Даниил.

Күн сайын 100-ден астам маман көмекке шығады. Іске 60 бірлік техника мен 40 мотопомпа жұмылдырылды.