«Зерттеу СК» ЖШС директорының орынбасары Сергей Чернышов: «Біз мамандардың жаңа буынын тәрбиелеп жатырмыз.
«Зерттеу СК» ЖШС 2013 жылдан бастап өнеркәсіптік және азаматтық құрылыс саласында жұмыс істейді. Құрылысшылар күні қарсаңында QZ Media тілшісі кәсіпорын директорының орынбасары Сергей Чернышовпен кездесіп, сұхбат алды. Азамат өзінің еңбекжолын «Зерттеу СК» кәсіпорнында инженер-құрылысшы болып бастаған.
«Мен жұмысты ең төменнен бастадым, жобаларды зерттедім, жоспарлаумен, тапсырмаларды орындаумен таныстым, материалдарға тапсырыс беруді үйрендім, жұмыстың қалай бөлінетінін ұғындым. 2013 жылы өз жұмысын бастаған біздің компания Астана көшесі, 2 мекенжайы бойынша орналасқан әдемі көпқабатты үйлерді тұрғызды. 14 және 16 қабатты, жерасты автотұрақтары бар. Өте әдемі болып шықты», – дейді «Зерттеу СК» ЖШС директорының орынбасары Сергей Чернышов.
Аса танымал құрылыс компаниясы үшін биылғы жылдың басты мәселесі күн сайын өзгерген «Бірлік» шағын ауданында үй салу болды, деп атап өтті Сергей Чернышов.
«Құрылыс өте жылдам ұйымдастырылды. Жоспарлау жиналыстары күн сайын кешкісін өткізілді. Толық бақылау болды, тапсырманың күрделі екенін бәріміз жақсы түсіндік. Барлығымыз ұйымдасқан түрде іске кірістік. Біз 8 үй салдық. Тұрғындар тарапынан нормалар мен талаптардың сақталмауына қатысты ешқандай шағым түскен жоқ», – дейді Сергей Чернышов.
Сұхбат барысында құрылыс компаниясы директорының орынбасары су тасқынынан зардап шеккендерге үй салумен қатар компания мамандары облыста екі жаңа мектеп пен көпқабатты тұрғын үй тұрғызып жатқанын да атап өтті.
«Береке» шағын ауданында жатақхана ғимараты бар 300 орындық пилоттық мектептің жобасын аяқтап жатырмыз. Драгомировка ауылында 120 орындық мектеп құрылысы аяқталуға таяп қалды. Тайынша ауылында 50 пәтерлі тұрғын үйді пайдалануға беру жоспарлануда», – дейді «Зерттеу СК» ЖШС директорының орынбасары.
«Зерттеу СК» ЖШС кадр тапшылығы байқалады. Мамандарға деген қажеттілікті толтыру үшін компания колледждер мен университет студенттерін жұмысқа тартуға тырысуда.
«Біз барлық жас мамандарға тәлімгер бекітеміз. 24/7 байланыстамыз, көмектесеміз, кеңес береміз, бағыттаймыз. Міне, осылай қиындықты еңсереміз, қазір мамандардың жаңа буынын тәрбиелеп жатырмыз, жігіттер жақсы жетілуде, уақыт өте келе тәжірибелері одан әрі толысады», – деп атап өтті Сергей Чернышов.