Бұрғылаушылар күні және Авиация күні: Қазақстанда жаңа мерекелерді енгізуді жоспарлап отыр

Қазақстанда екі жаңа кәсіби мереке пайда болады. Тиісті жобаны Еңбек министрлігі әзірлеп, «Ашық НҚА» порталында орналастырды, деп хабарлайды QZ Media тілшісі.

1 ақпанда Қазақстан Республикасының азаматтық авиация қызметкерлері кәсіби мерекелерін атап өтеді. 1991 жылдың осы күні Алматы әуежайында Қазақ КСР Алматы авиациялық отряды командирінің басшылығымен алғаш рет Авиациялық қауіпсіздік қызметі құрылды.

Сонымен қатар, кәсіби мерекелер тізіміне қараша айының үшінші сенбісінде атап өтілетін Бұрғышылар күні де енгізілмек. Қазақстанның мұнай-газ, тау-кен, уран және басқа да өндіріс салаларында мұндай мыңдаған адам еңбек етеді.

«Кез келген кен орнын табу және пайдалы қазбаларды өндіру үшін ең алдымен барлау және бұрғылау қажет. Бұрғылаушылардың жұмысы – зиянды және қауіпті жағдайларда және далалық, жерасты және су үстіндегі өндіріс жағдайында жұмыстың күрделілігімен сипатталады», – делінген жобада.